GENERAL SANTOS CITY– Narekober na ang patay nga lawas sa usa ka bata human na missing kagahapong adlawa didto sa Kablacan, Maasim Sarangani Province.
Matud ni Rene Punzalan sa Provincial Disaster Risk Reduction Management Office nga naanud ang bata sa makusog nga pagbaha.
Giila niini ang biktima nga si Margareth Cuesta 7 anyos nga molopyo sa Kablacan Maasim Sarangani nga naanod ang bata gumikan sa makusog nga pagbaha nga miagi sa lugar.
Pasado alas tres sa hapon gikataho ang pagkawala sa bata human nga nagdula sa lugar.
Gituhu-an nga wala nabatayan sa bata ang tubig mao nga naanod sa makusog nga pagbaha.
Una nang gibutyag ni Rene Punzalan ang Provincial Disaster Risk Reduction management Officer nga adunay mga pagbaha nga natigayon sa probinsya gumikan sa maot nga panahon nag nasinati-an.
