GENERAL SANTOS CITY – Mukabat lamang sa 79 ang nakapasa sa renewal sa prangkisa sa traysikel basi sa gihuptan nga data sa Public Safety Office.
Matud ni Atty Jong Gonzales nga adunay 883 ang mga nag apply basi sa ordinance number 37.
Atul sa pagpatim-aw ni Gonzales sa ika 52 nga regular session sa Sangunian Panglungsod gipangutana kini kung ang public safety office ang gadawatan na ug application alang sa bag-o nga prangkisa apan tubag niini nga igo lamang gisunod ang nakalatid sa ordinance number 37 nga kadtong may prangkisa na ang pwedi nga mu apply ug renewal.
Nasuta nga ang buhatan ni Atty Jong Gonzales ang gitahasan sa Sangunian Panglungsod nga mudawat sa application sa prangkisa .
Basi sa data dinhi sa dakbayan may nueve mil ka mga prangkisa ang nahatag ug kini ang gipangita sa Konseho.
Nasuta nga adunay kinse mil ka bag-ong prangkisa ang giablihan sa Sangunian Panglungsod ug ihatag kini kung makarenew na ang nueve mil nga unang prangkisa nga nahatag.
