Nisaka ngadto sa 770 ka units ang gidaghanon sa mga bus units nga nahatagan og permit sa Land Transportation Franchising Regulatory Board (LTFRB) aron makasakay og mga pasahero nga mopauli sa ilang tagsa-tagsa ka probinsiya karong panahon sa Undas.
Ang naaprobahang units nalakip sa 276 ka aplikasyon sa mga bus nga gustong mobiyahe sa mga lugar nga dili nila rota sama sa Metro Manila buses.
Matod sa LTFRB, ang special permit balido gikan sa Oktubre 25 ning tuiga ug molungtad hangtod sa Nobyembre 10, 2024.
Ang paghatag og special permit sa LTFRB mao ang pagpadaghan sa mga provincial buses nga moserbisyo sa gipaabot nga pagdagsa sa mga pasahero atol sa Undas.
Una nang niingon si LTFRB Chairman Teofilo Guadiz sa mga bus operators sa pagsiguro sa luwas nga pagbiyahe sa mga pasahero.
Matod niya nga ang LTFRB nipakatap usab og mga personahe sa mga bus terminal aron pagsiguro nga ang mga sakyanang pampasahero adunay tukmang permit nga makasakay og mga pasahero sa ilang tagsa-tagsa ka destinasyon.
