GENERAL SANTOS CITY – Mukabat sa 77 ka public schools teachers ang natakdan sa coronavirus disease 2019 sa GenSan.
Matud kang DepEd-GenSan Schools Division Superintendent Romelito Flores, sa maong ihap tulo niini ang nakabsan sa kinabuhi tungod sa virus infection.
Gibutyag sa nasampit nga walay nadala sa tambalanan og halos katunga niini ang nagself-quarantine.
Kanunay ang pahimangno sa tanang magtutudlo sa dakbayan nga mag-amping og batasanon ang pagsul-ot og face mask, face shield, manghinlo sa lawas ug ang physical distancing panigurado nga dili matakdan.
Aron malikayan ang pagtakdanay sa covid 19, walay face-to-face transaction sa DepEd District Office apan nagpadayon gihapon ang operasyon sa iyang opisina.
Sa mga adunay transaksyon sa ilang opisina mahimo nga musumite sa ilang dokumento sa public assistance desk nga naa sa guard house.
