GENERAL SANTOS CITY – Anaa sa 77 ka distressed overseas Filipino workers (OFWs) sa dakbayan ang nakadawat og financial assistance gikan sa gobyerno kalabutan sa (Covid-19) pandemic.
Matud pa kang Marilou Sumalinog, Overseas Workers Welfare Administration (OWWA)-Region 12 director, nga ang mga nakadawat ang mga dokomentadong mga overseas workers nga nakaabot sa syudad hangtud June 24, 2020.
Ang mga nasampit ang nakadawat og P10,000 ilawom sa Department of Labor and Employment-Abot Kamay ang Pagtulong (DOLE-AKAP) assistance program.
Sa kasamtangan anaa na sa 1,751 ka mga OFWs ang nakauli sa rehiyon sakay pinaagi sa barko og sa eroplano.
Gipasalig nga padayon nga giproseso sa gobyerno ang mga dokomento sa mga OFWs nga anaa sa kauluahan aron makauli sa tagsa-tgasa ka mga lugar.
