-- ADVERTISEMENT --
Patay ang mag-uumang si Jesus Cinco Maca, 77-anyos, residente sa Brgy. Lower Libas, Taganaan, Surigao del Norte, human kini naligsan sa usa ka ten-wheeler truck bandang alas 8 sa buntag sa National Highway.
Sumala sa report sa Taganaan Municipal Police Station, kalit nga mitabok ang biktima ug nadasmagan sa truck nga gimanehoan ni Jonel Lagare Lumanao, 36-anyos, residente sa Cortez, Surigao del Sur.
Base sa imbestigasyon, na-ipit si Maca sa unang ligid sa sakyanan ug gidala pa sa Provincial Hospital apan gideklarang dead on arrival.
Sigon ni PMAJ Mohammad Fahad Julwadi, Acting Chief of Police sa Taganaan Police Station, mupa-ilawom sa settlement ang pamilya sa biktima ug ang kompanya sa drayber.
