Patay ang usa ka 77-anyos nga lolo human kini makuryente samtang naglakaw paingon sa iyang tanumanan sa Purok Mahidaeton, Barangay Libas, Tantangan, South Cotabato.
Gikilala ang biktima sa alyas nga “Rodolfo,” usa ka biyudo ug residente sa maong lugar.
Base sa imbestigasyon sa Tantangan Municipal Police Station, pasado alas 8:30 sa gabii sila nakadawat og tawag kabahin sa insidente sa pagkakuryente.
Sa kasayuran, mipaingon ang biktima sa iyang talamnan apan nakurat ang iyang pamilya kay wala siya nakauli sa udto para sa panihapon ug hangtod sa hapon wala gihapon mobalik.
Tungod niini, gipangita siya sa iyang apo ug nadiskobrehan nga wala na kini’y kinabuhi sa tunga-tunga sa talamnan.
Sumala sa kapulisan, posible nga samtang naglakaw ang biktima, aksidente niyang nakapkap ang linya sa kuryente nga maoy nakalumos sa iyang kinabuhi.
Gilayon nga gidala ang iyang lawas sa punerarya sa lungsod sa Tantangan aron ipailawom sa postmortem examination.
