GENERAL SANTOS CITY – Dili na person of Interest kundi suspek na ang tawag sa kapulisan sa 74 anyos nga silingan sa namatay nga si Princess Arriane Cabucos .
Kini ang katikaran sa padayon nga imbestigasyon sa kapulisan sa pangilngig nga pagpatay kang Princess Cabucos.
Matud ni Police Major Robert Forez nga may higayon nga gisugo ang syete anyos nga mukuha ug tanglad ug dugay nakabalik apan dihang nakapauli na sa ilang gipuy-an naghilak ang bata ug giasoy nga gihikap iyang paa ug gihubuan sa sul-ob nga shorts ug ang gitudlo nga mihimo ang silingan nga 74 anyos nga gitawag niini ug Ingko.
Sa padayon nga imbestigasyon nakakita ug anggulo ang kapulisan sa pahayag sa mga silingan nga alas singko sa hapon nangutang ug sigarilyo ang 74 anyos samtang nagkurog ang mga kamot ug hugaw ang mga tiil.
Kini matud pa ang rason nga sa tulo ka Person of Interest si Ingko ang gitudlo nga suspek luyo nga nag react ang mga kabanay sa nahisgutang edaran.
Ila usab gipalapdan ang imbestigasyon pinaagi sa pagkuha ug vocal swab sa unom ka mga lalaki aron ma cross swab sa vaginal swab sa biktima.
Malaumon si Forez nga makatabang kini nga nga paagi sa gihimo nila nga imbestigasyon aron matudlo ang mipatay kang Princess Arianne Cabucos
