12 katao patay tungod sa pag-igo sa bagyo sa Vietnam

Labing menos 12 ka mga tao ang namatay sa Vietnam tungod sa kadaot nga dala sa Bagyong Bualoi o Bagyong Opong nga miagi sa Pilipinas.

Nag-landfall ang bagyo kagahapon, Lunes sa buntag ug nagdala og kusog nga ulan ug hangin.

Adunay usab usa ka storm surge nga adunay mga balud nga moabot sa 26 feet.

Adunay 17 katao ang nawala diin pulos mga mananagat.

Daghang mga balay usab ang naguba sa Hue City, Thanh Hoa ug Ninh Binh province.

Dul-an sa 350,000 ka mga residente ang nawad-an og suplay sa kuryente tungod sa maong bagyo.

Kahinumduman nga ang Bagyong Opong nakamugna usab og dakong kadaot sa pipila ka bahin sa Bicol Region ug Eastern Visayas sa miaging semana.