Duha ka ‘human skull’ sa Taal Lake, narekober sa PCG – DOJ

Nipaambit ang Department of Justice nga ang Philippine Coast Guard nakarekober ug duha (2) ka bag-ong mga bukog sa tao gikan sa Taal Lake area.

Matod ni DOJ Assistant Secretary Mico Clavano, narekober sa PCG ang bag-ong ‘human remains’ gikan sa linaw.

Apan matod niya ipaubos pa sila sa makuti nga eksaminasyon ug DNA testing.

Tumong niini nga mahibaw-an kung ang mga narekober nga bukog mag-match ba sa mga nawala nga sabungero.

Kung ang mga sample sa DNA mag match sa ilang mga paryente, mahimo kining gamiton nga ebidensya sa kaso.

Samtang iyang gipaambit nga nagpadayon pa ang ‘search and retrieval operations’ sa Taal Lake kalabot sa ‘missing sabungero case’.