-- ADVERTISEMENT --
Wala na masurpresa si Presidente Ferdinand Marcos Jr. sa kausaban sa liderato sa Senado.
Matod niya nga sukad sa milabay nga pipila ka bulan, nagsaba-saba ang isyu sa kausaban sa pamunoan.
Kusog ang pangalan ni Senador Vicente “Tito” Sotto III ug andam siyang mopuli isip Senate President hulip kang Sen. Chiz Escudero.
Isip kanhi senador, niingon siya nga internal nga isyu ang pagbag-o sa liderato sa Senado diin ang mga senador mopadayag lang sa ilang pagsalig sa usag-usa busa importante nga organisahon sa matag usa ang ilang kaugalingon.
Wala man usab nakitang problema sa presidente ang legislative agenda sa 20th Congress ubos sa pamunoan karon ni Sotto.
-- ADVERTISEMENT --
