70 patay sa pagbuto sa oil tanker sa Nigeria

Mokabat sa 70 ka mga tawo ang namatay ug daghan ang naangol human mibuto ang usa ka oil tanker sa amihanang Nigeria.

Sumala sa National Emergency Management Authority, ang insidente nahitabo sa Maiduguri, Nigeria diin 56 ka mga indibidwal ang nasamdan ug gidala sa ospital.

Niadtong Oktubre, usa ka tanker ang mibuto sa Jigawa state, nga nakapatay sa 153 ka mga tawo.

Gisusi pa sa mga otoridad ang hinungdan sa nasangpit nga aksidente.