GENERAL SANTOS CITY – Mukabat sa 70 ka mga bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Samtang anaa sa 68 ang bag-ong nakarekober og tulo ang patay nga usa ang gikan sa GenSan, Lake Sebu, South Cotabato og Glan, Sarangani.
Sa bag-ong kaso pito ang gikan sa GenSan, 20 sa North Cotabato, 19 sa Sarangani, 19 sa South Cotabato og lima sa Sultan Kudarat.
Samtang anaa sa 19,370 ang kaso sa COVID 19 sa GenSan, 109 ang active cases og 688 ang patay.
Ang North Cotabato ang may 15,170 ka kaso, 119 ang active cases og 691 ang patay.
Ang Sarangani ang may 8,631 ka kaso, 102 ang active cases og 207 ang patay.
Ang South Cotabato ang may 24,097 ka kaso, 119 ang active cases og 907 ang patay.
Ang Sultan Kudarat ang may 9,121 ka kaso, 38 ang active cases og 264 ang patay.
Sa katibuk-an adunay 76,389 ang COVID-19 confirmed cases sa SOCCSKSARGEN region kung asa 487 (0.64%) ang active cases, 73,107 (95.70%) ang recoveries og 2,757 (3.61%) ang COVID-19 related deaths.
