17 patay sa airstrike sa Russia sa usa ka prison facility sa Ukraine

Patay ang 17 katao human sa usa ka airstrike sa Russia sa mga prison facilities. 42 ka mga tao usab ang nasamdan sa insidente tungod sa pag-atake nga nahitabo sa Zaporizhzhia.

Ang insidente nakaguba sa duol nga mga balay ug mga building. Sumala sa lider sa rehiyon nga si Ivan Fedorov, ang Russia naglunsad og walo ka high-explosive aerial glide bombs.

Gikondena ni Ukrainian President Volodymyr Zelensky ang mga aksyon sa Russia sa correctional facility.

Ang Zaporizhzhia usa sa upat ka eastern regions sa Ukraine nga giangkon sa Russia.