GENERAL SANTOS CITY – Gikasuhan na ang pito ka mga tawo nga naaresto sa Philippine Drug Enforcement Agency kon PDEA 12 sa kooperasyon sa kapulisan gumikan sa ilegal nga droga.
Ang mag-live in partner nga silang Joy Regenio alyas Dadang og si Joel Bagat nga usa ka construction worker ang maoy tag-iya sa drug den.
Ang mga naaresto nga mga miadto sa drug den silang Lovely Villegas, 21 anyos, entertainer, Gelyn Mongkil 27 anyos, entertainer, og Marlyn Dela Cruz, 21 anyos ang pulos mga residente sa dakbayan.
Ang anti-narcotic operation ang gihimo pinaagi sa implementasyon sa search warrant for violation sa pagsupak sa Republic Act 9165 sa KPS Zone 1, Brgy. Labangal ning syudad.
Nakumpiska atol sa operasyon ang duha ka sachets sa shabu nga anaa sa unom ka gramos ang gimbug-aton nga nagkantidad og of P 40,800, lighters, aluminum foil strips, bamboo sealer og gunting.
Si Regenio ang kanhi nasikop sa kapulisan gumikan sa illegal nga droga. Mitinir siya sa prisohan gikan January 2017 hangtud February 2019.
Nasayran nga sa unang mga bulan sa 2021 nagbalik sa pagbaligya og ilegal nga droga ang nasampit.
