GENERAL SANTOS CITY – Pito na ka mga shooting incidents ang natigayon sa syudad sa bulan sa Hunyo 2021 sa dakbayan.
Ang labing ulahi nga biktima mao si Roberto Layang Lipay, hamtong ang pangidaron, tricycle driver, minyo nga residente sa Brgy.Labangal ning syudad.
Gipusil ang biktima sa wala pa mailhing suspek sa national highway sa may bahin sa Purok Malipayon, Brgy. Apopong ning syudad.
Base sa imbestigasyon nga nagduyan lang ang biktima ug kalit lang giduolan sa wala mailhing suspek dayon gipusil sa ulo nga bahin nga nagresulta sa iyang kamatayon.
Pagkahuman sa maong pagpamusil abtik usab nisibat ang suspek sa wala masayring direksyon sakay pa sa usa ka motorsiklo.
Gibutyag nga ang biktima ang kanhi napriso gumikan sa ilegal nga droga.
Sa karon, padayon pa ang ginahimo nga imbestigasyon sa otoridad sa motibo sa maong pagpamusil.
