7 ka estudyante patay sa pagkahugno sa eskwelahan sa India

Patay ang pito ka bata human nahugno ang usa ka bahin sa atop ug pader sa usa ka eskwelahan sa kasadpang India.

Ang mga awtoridad nag-ingon nga ang mga pader ug atop kalit nga nahugno samtang ang mga bata anaa sa klase sa Jhalawar district sa Rajasthan state.

Laing 26 ka mga biktima usab ang naangol sa maong insidente.

Mokabat sa 60 ka mga estudyante, magtutudlo ug kawani ang anaa sulod sa usa ka andana nga building dihang nahitabo ang aksidente.

Ang hinungdan sa aksidente gituohan nga mga adlaw nga walay hunong nga pag-ulan sa dapit.