GENERAL SANTOS CITY – Dili mahimong subling ablihan ang pito ka establisiemento sa Region 12 human nga gikandado sa Bureau of Internal Revenue kon BIR tungod sa pagsupak sa Tax code.
Kini human nga mihangyo ang miapela si Tommy Go ang tag-iya sa TLG ShoppersMart sa Cagampang St, ning syudad sa mga nag-isyu ug closure order.
Apan gihingusgan sa Oplan Kandado team sa BIR nga dili mahimong bawion ang temporary closure order. Gihingusgan nga gihatagan ug due process og igong panahon si Go aron magbayad sa buwis sa iyang negosyo apan wala nagbayad.
Kinahanglang unang mu-comply sa bayrunon sa buhis una subling mag-operate ang maong mga establisyemento.
Gikabutyag nga kapin 30% sa sales sa maong establisiemento ang undeclared lakip sa ubang branch sa Sarangani, Sultan Kudarat og South Cotabato.
Migamit usab matud Sales supresion software butang nga sutaon pa sa BIR.
Kahibaluan nga gawas sa TLG ShoppersMart , gipadlak usab ang Alexus Enterprise nga gipanag-iyahan ni Alex Xie.
Giselyuhan og tarp nga may nakabutang nga close ang maong establisiemento.
Ang mga napasiradhan ang lakip sa pito (7) ka business establishments sa Region 12 nga gipadlakan sa BIR tungod sa paglapas sa Internal Revenue Code.
