-- ADVERTISEMENT --
Gibutyag ni John Arlo Codilla, Head sa Disease Prevention and Control Unit sa Integrated Provincial Health Office (IPHO), nga ang 7-anyos nga batang lalaki sa probinsya sa South Cotabato natakdan sa Human Immunodeficiency Virus (HIV) ug dili kini resulta sa mother-to-child transmission.
Base sa initial assessment sa opisina, adunay indikasyon nga sexual transmission ang hinungdan, ug posible nga ang biktima nakasinati og sexual abuse.
Sa pagkakaron, giimbestigahan sa IPHO ang kaso aron masiguro nga protektado ang bata ug masuta ang tinuod nga panghitabo.
Gipahinumdom usab ni Codilla sa publiko nga magpabilin nga alerto, magpa-check ug magpa-test kun kinahanglan, aron malikayan ang pagkatag sa HIV ug maprotektahan ang komunidad.
