Gidawat ni Senador Bam Aquino ang direktiba sa Bangko Sentral ng Pilipinas (BSP) nga nagmando sa mga e-wallet providers nga putlon ang relasyon sa online gambling sites.
Kaniadtong Huwebes, gihatagan sa BSP ang mga kompanya sa e-wallet ug 48 oras aron tangtangon ang mga icon ug link nga adunay kalabotan sa mga platform sa e-gambling. Kini nga kamanduan ang gituman man usab sa mga kompanya.
Matod ni Aquino, gipaabot niya nga ang lakang sa BSP nga mapahuyang niini ang online gambling ug hangtod mohunong na sa e-gambling operations sa nasod.
Siya niingon nga ang Philippine Amusement and Gaming Corporation (PAGCOR) ug si Presidente Ferdinand Marcos Jr. kinahanglang mohimo usab og lig-ong desisyon alang sa total ban.
Subling nanawagan ang senador sa hingpit nga pagdili sa online nga sugal aron maprotektahan ang mga pamilya ug katilingban sa negatibong epekto niini.
