Aprubado na sa Department of Education (DepEd) ang usbaw sa sweldo sa mga magtutudlo sa pribadong tunglunghaan ubos sa Teacher’s Salary Subsidy (TSS) gikan sa P18,000 ngadto sa P24,000 sugod karong school year 2025-2026.
Kini subay gihapon sa direktiba ni Presidente Ferdinand Marcos Jr. sa iyang ikaupat nga State of the Nation Address (SONA) alang sa mas maayong kalidad ug mas taas nga sukdanan sa edukasyon sa nasod.
Matod ni Education Secretary Sonny Angara, gikinahanglan karon nga iparehas ang bayad nga nadawat sa mga proctor sa pribadong tunghaan sa mga magtutudlo sa publikong tunghaan alang sa mas maayong pagtudlo.
Samtang, ang TSS usa lang sa mga component ubos sa Government Assistance to Students and Teachers in Private Education (GASTPE) program nga nagsuporta sa full-time nga mga lisensiyado nga magtutudlo nga mga empleyado sa pribadong tulungnghaan nga misalmot sa Eduaction Service Contracting (ESC) scheme sulod sa tulo ka oras matag semana.
Kini nga inisyatiba sa DepEd, nagpakita lamang sa ilang pasalig sa pagpalig-on sa ilang suporta sa mga stakeholders sa pribadong edukasyon.
Sa pagkakaron, ang nasudnong kagamhanan padayon nga nakig-alayon sa mga lokal nga kagamhanan, development partners, ug bisan sa ubang pribadong institusyon sa edukasyon alang niini nga katuyoan.
