GENERAL SANTOS CITY-Nagtuo si Atty. Teodoro Sales nga walay problema kung adunay ginaluto nga impeachment batok kang Vice President Sara Duterte.
Dugang pa niini, kung adunay pagsupak sa balaod pwede mapasakaan ug impeachment complaint ang usa ka public official.
Gipasabot ni Atty. Sales adunay rason nga ma-impeach ang bise presidente kung mapamatud-an nga sobra ang paggasto sa pundo sa gobyerno nga gigahin para kaniya maong gipatawag ang Commission on Audit mahitungod sa maong butang.
Matod usab ni Atty. Sales, ang Senado o kongresista ang pwede nga makahukom kung ma-impeach ang usa ka public official.
Gipasabot niini nga ang impeachment adunay due process kon asa muagi pa kini sa komitiba aron muhatag ug rekomendasyon kung i-impeach si VP Sara o dili, apan kung madayon ang impeachment niini naay ‘required’ nga boto sa miyembro sa impeachment board kung pila ang ‘required’ nga numero aron maaprubahan ang impeachment.
Kung muabot ang panahon nga madayon ang impeachment ug mapresenta na ang ebidensiya sa Kongreso diha na makita kung asa mudapig ang impeachment body.
Sa pagkakaron, kini makonsidera nga usa ka espekulasyon tungod wala pa na na-file sa komite ang complaint para sa gikanayong impeachment.
