Pormal na nga milingkod isip bag-ong Provincial Director sa Sarangani Police Provincial Office si PCol. Deanry Romualdez Francisco nga gikan sa RCD sa PRO12
Pulihan niini si out-going Provincial Director PCol. Nicomedes Olaivar Jr. nga reassigned sa RLRDD sa PRO12.
Sa gipahigayun nga Turn over of office ceremony kagahapon, alas 3 sa hapon sa Sarangani Police Provincial Office sa pagpanguna ni PRO12 Regional Director PBGen. Jimili Macaraeg, malampusong napahigayun ang seremonya.
Dako ang pagsalig ni PBGen. Jimili Macaraeg nga kaya malabwan ni PCol. Francisco ang maanindot nga programa nga gibilin ni PCol. Olaivar sa SPPO hilabi pa nga nakaangkon kini ug highest ratings.
Saludo usab si PCol. Nicomedes Olaivar Jr. nga gidawat sa bag-ong Provincial Director ang hagit nga milingkod sa SPPO.
Paglaum pa niini nga suportahan sa tibuok sarangani ang pagdumala sa bag-ong Provincial Director.
Samtang sa bahin ni PCol. Deanry Romualdez Francisco, andam kini nga tun-an pa ang mga kinahanglan han-ayon sa Sarangani, focus niini ang crime prevention and solution labi na ang road safety ug ang pagpangandam sa umaabot nga Barangay and SK election.
Kahibaluan nga base sa polisiya sa Philippine National Police, 2 ka tuig ang serbisyo nga kinahanglan sa usa ka Provincial Director bago kini ma-relieve.
Gawas sa Turn over ceremony, gipahigayun usab ang inauguration sa Multi purspose building, play ground, ug blessing sa bag-ong chapel sulod sa Sarangani Police Provincial Office
