GENERAL SANTOS CITY- Gipaklaro ni Engr. Emerald Signar sa City Engineers Office nga gigahinan og P150 million alang sa tuig 2021 ang overpass sa junction sa Dacera Avenue og sa Bulaong Avenue.
Sa pamahayag ni Signar nga ang Department of Public works and Highways kon DPWh 12 ang mupahigayon sa proyekto.
Matud ni Signar nga kung kapin na sa P100 million ang kantidad sa proyekto ang DPWH regional office maoy magdumala niini.
Gikadugang pa niini nga nakig-alayon sila sa DPWH 12 sa desenyo niini aron mahisubay sa traffic signalization sa syudad.
Una niini gigahinan og P180 hangtud P100 million alang sa feasibility study .
Kahibaluan nga huot ang trapiko sa maong lugar panahon sa peak hours.
Kini gumikan daghan ang mga subdivision ang muagi sa Dacera Avenue og ubay-ubay usab ang gaagi sa national highway.
Ang maong proyekto ang dugay na nga gihisgutan sa syudad aron nga makunhuran ang trapiko.
