GENERAL SANTOS CITY- Kaso nga reckless imprudence resulting to homicide ang atubangon sa traysikel driver nga kustudiya karon sa Traffic Management Unit nga nakabangga patay sa usa ka trabahante.
Matud ni POlice Major Richard Ybañez nga kustudiya sa ilang buhatan ang suspek nga si Ellezar Manza Kualta, 30 human nabanggaan patay ang biktima nga Norodin Midkadal, 51 residente sa Prk 3, Barangay Batomelong ning syudad.
Pasado ala una sa hapon maneho sa suspek ang iyang traysikel paingon sa direksyon sa syudad dihang nawad-an ug kontrol ang tryasikel dihang mabangga ngadto sa biktima samtang nag mower sa center island sa Tinagacan bridge.
Gumikan sa kakusog sa pagbangga nakaangkon ug daghang samad sa lawas ang biktima hinungdan sa hinanali niini nga pagkamatay.
