GENERAL SANTOS CITY – Hugtanong gipanghimakak sa hepe sa BUla POlice Station P/Major Nemecio Calipjo ang alegasyon nga siya nangulata og usa ka curfew violator.
Sa pakighinabi sa Bomboradyo, gibutyag sa opisyal walay kamatuoran ang akusasyon sa usa ka Rochard Tagpuno Malones hamtong ang pangidaron nga taga Prk 2 Rajah Muda Bula.
Matud pa ni Calipjo, gisita nila si Malones tungod naabtan na sa curfew apan ang tulo niini ka mga kauban ang nanagan og ang nasampit lamang ang nadakpan.
Sa pamahayag ni Calipjo nga nakainom matud pa si Malones og dihang pasakyon sa patrol car sige og singgit og nanumbag sa mga pulis hinungdan nga gidala sa presinto.
Sa alegasyon ni Malones, pauli na unta sila sa mga barkada niya human nga nag-inom.
Natagbuan matud pa ang sakyanan kung asa nakaatubang si P/Major Calipjo og didto natigayon ang pagkulata kaniya sa makadaghang higayon.
Gani nangayo pa siya og tabang sa mga tawo og mihangyo ga kuhaan video ang gihmo kaniya sa opisyal.
Gikadugang pa niini, nagpagawas pa og pusil si Calipjo.
Pag-abot sa selda, nakatilaw pa kini og kinumo apan wala na siya nisukol.
