GENERAL SANTOS CITY – Puno og pagbasol ang usa ka lalaki human nga nadakpan sa kasong may kalabotan sa pagbaligya og ilegal nga droga.

Balhog sa selda sa Pendatun Police Station ang nagpangalang Sweeden Cabasalan Guebencan, 31 anyos nga taga Obrero St, Brgy Dadiangas North ning syudad.

Gipahigayon ang operasyon sa Bulaong Avenue kung asa napalitan ang nasampit og usa ka pakete nga nagkantidad og P500.

Gawas sa kasong paglapas sa Sec 5 kon pagbaligya og iligal nga droga ilawom sa RA 9165, nasuta nga nag-atubang usab ang dinakpan sa lain pa nga kasong child abuse og human trafficking.

Base sa rekord sa kapulisan nga responsablea ang nasangpit sa cyber sex kung asa ginagamit ang menor de edad aron muhimo og dili maayo atubangan sa camera samtang walay sapot.

Hinuon dihang nasulod na sa selda ang suspek wala man niini gilimod ang pag-exploit og kabatan-unan kung asa iyaha matud pa kining nahimo aron makakuwarta pinaagi sa internet.

Padayon pang giasikaso sa kapulisan ang mga dokumento alang sa pagpasaka og kaso batuk sa nasampit kalabotan sa ilegal nga droga