GENERAL SANTOS CITY – Mahimong pasiradhan ang mall o establisiemento nga wala gasunod sa social distancing.

Matud pa ni City Adminsitrator Atty. Arnel Zapatos, nagpakanaug og mando ang DILG nga hugot nga ipatuman sa LGU og PNP ang pag-inspeksyon sa mga malls og establisiemento aron masuta kung gasunod sa mga patakaran nga ginapatuman batuk sa bahad sa coronavirus disease sama na lang sa palisiya sa pagtratar sa ilang mga kustomer nga ‘No face mask, NO Entry” samtang susihon usab kung may Enhanced Quarantine Pass una tugtan nga makasulod samtang nagsunod usab sa schedule sa ilang market day.

Kahinumduman nga nahimong hapsay ang pagliboy suroy sa mayor sa 4 ka dagkong mall sa syudad aron mag-inspeksyon kung nagsunod ba sa mga patakaran nga ginapatuman aron mabatukan ang covid 19.

Wala matud pay problema tungod gasunod ang 4 ka malls nga nasudlan aging adlaw.

Kahibaluan nga nagpahigayon usab og random inspection sa mga palaliton sa mall kung anaa sa sakto lang nga presyo og wala nagpasobra.