Padayon ang pagsaka sa ihap sa mga namatay ug nawala nga mga residente sa Nepal tungod sa makusog nga pag-ulan sa nasud mga nakalabay nga adlaw hilabi na sa syudad sa Kathmandu.
Nakalata na ug 66 ka mga indibidwal ang namatay sa insidente samtang 69 usab ang missing nga padayon pang gipangita sa mga awtoridad sa padayon nga pagbuhos sa mga makusog nga pag-ulan ug pagbaha sa naasoy nga nasud.
Libu-libo ka mga panimalay ang nalunupan sa baha human mi-awas ang mga suba sa palibut nga lugar nga hinungdan nganong dili maagi-an ang mga highways ug mga nag-unang dalan sa lungsod.
Nakatala usab ug landslide nga mikotlo sa lima ka kinabuhi lakip ang usa ka buntis ug upat ka tuig nga bata sa Bhaktapur sa sidlakang bahin sa Kathmandu.
Duha ka patay nga lawas ang nakita sulod sa bus nga natabunan sa landslide samtang dose ang sakay sa naasoy nga sakyanan apil ang driver.
Unom ka football player ang namatay sa landslide nga nahitabo sa usa ka training centre nga panag-iya sa All Nepal Football Association sa Makwanpur nga makita sa habagatang kasagpan bahin sa siyudad.
Sa kasamtangan may 2,000 ka indibidwal ang naluwas gikan sa mga pagbaha samtang 200 ka balay ang hingpit naguba .
