659 ka mga mag-uuma sa GenSan nakadawat og tag P5,000

GENERAL SANTOS CITY – Mukabat sa 659 ka mga mag-uuma sa dakbayan ang nakadawat og financial aid gikan sa gobyerno.

Matud pa ni Merlinda Donasco, department head sa City Agriculture Office nga mismo si Director Arlan Mangelen sa Department of Agriculture 12 ang nanguna sa paghatag og hinabang nga gipahigayon sa oval gym.

Ang matag usa ang nakadawat og P5,000 nga kabahin sa Rice Farmers Financial Assistance (RFFA) program.

Ang maong pondo ang tabang sa gobyerno sa mga mag-uuma nga naapektuhan sa ubos nga presyo sa humay.

Kahibaluan nga anaa sa P3 billion ang gigahin sa gobyerno alang sa maong programa sa tuig 2019 og laing P3 billion sa tuig 2020.