Nagpabiling apektado sa pagbaha ang 63 lugar sa nagkaidaiyang bahin sa nasud pipila ka semana sukad nga mihapak ang Supertyphoon Carina nga gipakusog sa Hanging Habagat.
Sumala sa National Disaster Risk Reduction and Management Council (NDRRMC), ang Central Luzon ang nakatala og pinakadaghang lugar nga gibaha nga miabot sa 56.
Ang nahibiling ihap natala sa tulo pa ka rehiyon nga gilangkoban sa Cordillera Administrative Region, og Northern Mindanao, og Bangsamoro Autonomous Region in Muslim Mindanao (BARMM) nga kanhi nang nakasinati ug pagbaha sukad nga unang mihaapk ang bagyong Butchoy.
Sumala sa konseho, ang ubang lugar wala pa mihubas ang baha ug hingpit nga nasundan pa sa mga pag-ulan.
Samtang, mukabat na usab sa 1,715, 194 ka pamilya ang natala nga naapektuhan bugti kini sa 6,426,994 na katawo.
Natala sa Central luzon ang may pinakadaghang ihap sa mga biktima nga mukabat sa 1,000,332 pamilya o bugti sa 3,422,916 katawo.
Napulo ka rehiyon usab ang nakatala og mga sunod sunod nga landslide human sa halapad nga mga pag-ulan.
Gilangkoban kini sa Region 1, Region 2, Calabarzon, Region 7, 8, 9, 11, 12, Caraga og BARMM.
