GENERAL SANTOCS CITY – Nahimong pinasahi ang gipakita nga lechon sa mga residente sa Barangay Datal Batong, Malungon Sarangani nga gisaksihan pa sa nagkalain laing residente nga gusto mutilaw sa lechon nga pinadapla kon pinakulob nga lechon.
Kini human dungan nga gidalit sa publiko ang saysenta kapin ka lechon nga baka, kanding, baboy, manok ug uban pa nga kabahin sa Pinadapla festival.
Ang LGu sa pagpanguna ni Mayor Tessa Constantino ug amahan niini nga si Reynaldo Constantino miabut sa lugar kuyog ang taga Municipal Tuorism Office.
Matud sa Mayor nga ang pinadapla ang exposition sa adunahan nga kultura ug tradisyon pinaagi sa pinasahi nga pag-andam ug lechon.
Ang dapla pulong sa taga aklan nga pagpikas sa mga tiil ug kamot sa lechon nga pahapla.
Gihulagway ni kanhi Mayor Reynaldo Constantino nga ang Datal batong ang kanhi lugar nga gikahadlukan tungod sa presensya sa mga bandido apan karon produktibu sa gulay ug mga lagutmon.
