GENERAL SANTOS CITY – Nagsurender na kang Lt. Col. Marvin Duadua, sa Polomolok municipal police station ang 62 anyos nga rape convict nga residente sa Polomolok , South Cotabato.
Nasuta nga kombiktado ang nahisgutan human nabuhi-an gumikan sa GCTA law nga target sa kamandu-an ni Pangulong Duterte nga ibalik sa prisuhan dead or alive .
Giila ni Dua-dua ang nahisgutan nga si Jose Garcia Noque nga residente sa T’boli South Cotabato apan nagpuyo sa iyang anak sa Purok Magsaysay, Polomolok.
Basi sa record sa korte si Noque ang nakombikto sa kaso nga Rape ug nasentinsiyahan ug life imprisonment Mayo 8, 1990 ug napriso sa Iwahig Penal Colony sa Palawan.
Gibuhi-an siya kaniadtong Abril 5, 2017 human maaprubahan ang iyang aplikasyon sa GCTA .
Gani gipresenta ni Noque ang certificate of discharge nga pinirmahan ni Supt. Richard Schwarzkoph Jr ang Officer in charge sa Iwahig Penal Colony.
Nakatakdang iturn over sa Iwahig Penal Colony aron gilayon makabalik sa Bureau of Corrections.
