GENERAL SANTOS CITY – Wala pay matumbok nga suspek sa pagpatay sa usa ka 61 anyos nga lalaki nga nakita na lamang nga nagbuy-od sa Purok Bogbog Big Margus Glan Sarangani kini samtang nagpadayon ang imbestigasyon sa mga otoridad.
Kini human gibutyag ni Lt. Col. Teody Condiza, tigpamaba sa Sarangani Provincial Police Office nga mipadangat ug taho sa Glan Municipal Police Station ang Barangay Captain sa Big Margus kalabut sa nakita nga patay nga lalaki.
Girespondihan ug gidala sa kapulisan sa usa ka tambalanan ang biktima apan gideklara nga dead on arrival ang nagpangalan ug Catalino Paparang Belo nga residente sa maong dapit.
Gikadugang ni Condeza nga usa ka Ramil Masla 22 anyos nga residente sa Purok Toril, Big Margus maoy nakakita sa biktima nga nagbuy-od sa dalan.
Dili pa matumbok kung unsa ang hinungdan sa pagkasamad sa ulo sa biktima tungod wala paty witness nga migawas aron idetalye ang pagkatay sa biktima.
