GENERAL SANTOS CITY- Mukabat na sa 604 ang ihap sa mga tawo nga may HIV nga natala dinhi sa dakbayan sa Heneral Santos.
Base kini sa natala sa City Epidemiology Surveillance Unit sa City Health Office, kung asa 130 ka kaso matud pa ang ning tuiga lamang natala.
Kahinumduman nga kaniadtong Sabado, giablehan na ang Rainbow Center for Revitalization nga nahimutang sa Dr. Jorge P. Royeca Hospital Compound, alayon sa kasaulogan sa World AIDS Day.
Gitambungan kini sa mga opisyal sa siyudad apil ang mga DOH 12 officers nga silang Dr. Ali Tumama og Dr. Butch Doldoco.
Gipresenta usab ni Dr. Jett Oco, Department Head sa CHO, ang fast track city declaration nga gipirmahan sa Mayor.
Nasayran nga ang LGU-GenSan ang ika-19 nga mipirma sa committment nga mahuman ang HIV/AIds sa nasud sa tuig 2030.
Pinaagi sa treatment hub mahatagan ug paglaum ang mga may HIV nga masumpayan ang kinabuhi.
Kahibaluan nga wala pay tambal nga namugna batok sa HIV/AIDS, apan may ginahatag nga libreng tambal ang gobyerno aron malugwayan pa ang mga pasyente nga may HIV.
