GENERAL SANTOS CITY – Mukabat sa 6,000 ka police personnel sa rehiyon dose ang mipailawom sa mandatory surprise drug tests isip kabahin sa Philippine National Police’s “internal cleansing” program.
Gibutyag ni Lt. Col. Lino Capellan, public information officer sa Police Regional Office 12, nga ang pagpahigayon sa drug test ang gibase sa kamandu-an nga giisyu sa regional police director, Brig. Gen. Alfred Corpus.
Kini kalabutan sa nagpadayon nga internal cleansing program sa PNP. aron masiguro ang ilang han-ay nga “drug-free” aron mapabilin ang “transparency” sa anti-drug campaigns.
Ang drug tests pinasibu sa gipatuman nga nationwide Drug Abuse Prevention and Control Week.
Gikadugang ni Capellan nga apil sa drug tests ang mga police commissioned ug non-commissioned officers, ug non-uniformed personnel.
Hinuon wala na gibutyag sa opisyal kung kanus-an ipagawas ang resulta sa drug test
