GENERAL SANTOS CITY – Halos 600 locally stranded individuals (LSIs) og returning overseas Filipinos (ROFs) ang nakauli na sa nagkadaiyang bahin sa Region 12.
Matud kang Mary Ann Lucero, regional team leader sa Presidential Management Staff sa Soccsksargen region, ang ulahing nakauli nga LSIs og ROFs nahidangat sa Sultan Kudarat Provincial Capitol sakay sa 30 ka bus.
Mipailawom sa health protocols og rapid tests ang tanang LSIs og ROFs nga gikan sa Metro Manila una gitugtan nga makauli sa ilang probinsya. Lakip sa mga nakauli ang empleyado, estudyante og mga turista nga nahimong posible tungod sa “Hatid Tulong” program sa gobyerno.
Kahinumduman nga na-estranded ang mga nahisgutan tungod sa gipatuman nga lockdown sa Metro Manila gumikan sa Coronavirus disease 2019.
Sa 591 LSIs og ROFs, 181 ang residente sa GenSan, 105 sa Sarangani Province , 78 sa Sultan Kudarat, 77 sa South Cotabato, 69 sa Cotabato Province, 35 sa Cotabato City og 46 ang residente ng Maguindanao.
