GENERAL SANTOS CITY- Gikumpirma ni Boy Rivera sa Sargen Shrimp Stakeholders Association nga 60% sa produksyon sa pasayan sa Pilipinas ang gikan sa Gensan ug Sarangani.
Nagpasabot matud pa kini nga ang Sargen na ang maoy nag-una sa pag-produce ug pasayan sa tibuok Pilipinas.
Sumala pa nga matag adlaw mukabat sa 10 ka tonelada sa pasayan ang ginabiyahe padulong sa Kauluhan gikan sa dakbayan ug probinsya sa Sarangani.
Hinungdan nga usa na matud pa ka dakong industriya ang pasayan.
Gikabutyag nga ang Gensan adunay 50 ka ektrya sa prawn farm, samtang mas lapad sa area sa Sarangani.
Gumikan niini, libuan ka tawo matud pa ang nahatagan ug trabaho.
Samtang, ang ubang mga pasayan ang gi-export usab sa nagkadaiyang mga nasud sa kalibutan.
Daghan na usab sa mga bisita sa siyudad ang nakadayeg tungod barato ang mga pagkaon gumikan sa nagkadako ug naglambo nga shrimp, livestock industry ug tuna industry.
