GENERAL SANTOS CITY – 60 ka benepisyaryo ang nakadawat ug cash assistance kagahapon nga nagkantidad ug 2,000 PHP matag usa ang gikan sa Assistance for Individuals/Families in Crisis Situation (AICS), nga gipahigayon sa conference room sa City Mayor’s Office.
Mismong si Honorable City Mayor Lorelie Geronimo-Pacquiao ang mihatag sa mga benepisyaryo sa ilang cash assistance.
Samtang gisiguro usab sa Mayor magpadayon sa pagdawat og hinabang ang mga benepisyaryo gikan sa local government unit isip paghatag og dekalidad nga serbisyo sa katawhan sa Dakabayan.
Ang AICS usa ka programa sa Department of Social Welfare and Development (DSWD) nga nagtumong sa pagtabang ug pagsuporta sa mga pamilya nga anaa sa mga emerhensya sama sa kalit nga pagkasakit o pagkamatay sa usa ka sakop sa pamilya.
