GENERAL SANTOS CITY – Supplier og gidiling droga ang usa sa mga dinakpan sa City Drug Enforcement Unit sa gipahigayong buy bust operation sa managlahing lugar kagahapon.
Matud ni P/Sr Insp. Oliver Pauya, tinubdan og shabu gikan sa Brgy Fatima paingon sa Calumpang, Labangal, Silway og uban pang area sa sentrong bahin sa dakbayan si Dino Panday, 36 anyos, usa ka laborer sa Fishport nga residente sa Fatima ning dakbayan.
Matud ni Sr/Insp. Pauya, dugay na matud pa nilang target si Panday og kagahapon dihang nasikop nila sa Vicente, Lagao.
Kauban ni Panday nga naaresto silang Cecille May Estrapez, 21 anyos, dalaga nga taga San Roque Labangal, Pepito Velsquez, 36 anyos, collector nga taga Crisostomo, Calumpang.
Gipahigayon ang operasyon human nga nakadawat og impormasyon nga adunay baligyaanay og droga sa lugar.
Napalitan si Panday og usa ka sachet sa shabu og P500 mark money og narekober ang duha ka laing sachet og drug paraphernalia. Samtang sa ikaduhang operasyon sa Prk 21, Blk 21 Fatima, naaresto silang Crisanto Dalogdog, 45anyos, Lailani Coloso, 45 , Baser Laydilam, 38, pulos taga Fatima.
Napalitan si Dalogdog og usa ka sachet og nakuha kanila ang 10 ka jumbo size nga sachet sa druga lakip ang drug paraphernalia og caliber 45 pistol.
