Unom ka tawo, lakip ang usa ka mamamahayag ug duha ka bata, ang namatay sa magkadaiyang airstrike sa Israel sa Gaza niadtong Sabado, sumala sa mga opisyal sa Palestine.
Unang naigo sa pag-atake ang usa ka apartment sa Gaza City pasado alas-2:00 sa kadlawon diin namatay ang magkapatid nga sila Zina, 4 anyos, ug Lana, 14 anyos. Gidala pa sila sa Shifa Hospital apan wala na maluwas.
Sa laing airstrike sa Bureij refugee camp sa sentro sa Gaza, tulo pa ka tawo ang namatay lakip si Ahmed Wishah, usa ka cameraman sa international broadcaster . Gikumpirma sa media ang pagkamatay sa ilang empleyado.
Matud sa Israeli military, usa kini ka “precise strike” batok kang Wishah nga ilang giingong adunay koneksyon sa military wing sa Hamas ug giisip nga hulga sa ilang mga sundalo. Apan gipanghimakak kini sa Hamas ug ubang Palestinian groups.
Bisan pa sa giingong ceasefire sukad Oktubre, padayon gihapon ang mga pag-atake sa Gaza. Sumala sa Gaza Health Ministry, kapin 73,000 na ka Palestino ang namatay sukad nagsugod ang gubat niadtong Oktubre 2023.
