6 patay sa natigayon nga sunog sa Maynila

Patay ang unom na katao human nga masunog ang upat ka andana nga gambalay sa Blumentritt sa Sampaloc, Maynila.

Sumala sa Bureau of Fire Protection, nagsugod ang sunog pasado alas dos sa kaadlawon sa Sabado.

Ang tulo ka biktima anaa sa ikaduhang andana samtang ang tulo usab ang anaa sa ground floor sa gambalay.

Nalisdan ang mga bumbero nga makasulod sa lugar tungod sa gamay nga dalan sa Laonlaan St. Blumentritt, Sampaloc, Maynila.

Milungtad sa kapin sa tulo ka oras una hingpit nga madeklara sa BFP nga fireout ang insidente.

Nadamay usab ang pipila ka kabalayan nga katapad sa nasunog nga gambalay.

Gisuta pa sa mga otoridad ang hinungdan sa maong sunog sa lugar.