6 patay sa grabeng kainit samtang nagtambong sa Hajj pilgrimage

Patay ang 6 ka mga tawo atol sa Hajj pilgrimage sa Mecca tungod sa grabeng kainit.

Diin ang mga biktima mao ang mga Jordanian citizen nga mipaingon sa Mount Arafat alang sa pasiuna nga kalihokan sa pilgrimage.

Nakig-alayon na ang Jordanian foreign ministry sa mga awtoridad sa Saudi.

Samtang ang mga awtoridad sa Saudi una nga nipasidaan nga ang temperatura sa lugar mahimong moabot sa 48 degrees Celsius.

Sumala sa Saudi General Authority for Statistics, labaw pa sa 1.8 milyon nga mga tawo ang gilauman nga motambong sa Hajj karong tuiga.