Ningkabat na sa 6 milyones ka mga indibidwal ang nakasinati og problema sa respiratory sa Jakarta, Indonesia tungod sa nasinatiang hugaw nga hangin sa maong lugar. Butuan delicacies
Sumala sa Environment Minister sa nasod nga si Hanif Faisol Nurofiq nga ning-abot na sa hazardous level ang kalidad sa hangin sa syudad, subay sa online outlet nga Jakarta Globe.
Dugang niini nga mo-abot matud pa sa pinaka dilikadong kalidad ang hangin sa Jakarta matag-udto. Subay sa ministro nga nag-ugat ang ka delikado sa hangin sa maong lugar tungod sa mga industrial emissions ingon man sa mga binuga sa mga dagkong truck nga manglabay sa syudad.
Subay niini nga kasagaran sa mga indibidwal sa nasangpit nga dapit ang mga nakasinati og respiratory symptoms nga gilangkuban sa mga nagkadaiyang impeksyon kansa mamahimong makapasamot sa kasamtangang kondisyon nga gibati sa usa ka indibidwal.
