GENERAL SANTOS CITY – Nakauli na ang unom ka mga mangingisda nga napriso didto sa Indonesia nga halos upat ka bulan nga nabilanggo human nadakpan kaniadtong Hulyo 27, 2019 gumikan sa Illegal fishing .
Samtang nahibilin ang tulo ka mga kauban aron atubangon ang ilang kaso. Ang pito mao silang Crisanto Pontilar ug silingan niini nga si Arnold Dablo nga taga Maasim, Sarangani, Leonardo Bacus ug Monching Abella nga pulos taga Gensan.
Samtang nahibilin ang mga operator sa bangka nga silang Dante Damalerio, Cheklet Sonsona ug Roger Villaraza . Gani nakigsabut na ang Hessed Foundation ug ang DFA didto sa Indonesia aron mapadali ang pagbuhi sa mga mananagat aron makapauli na dinhi sa nasud .
Una nang gibutyag ni Sister Susan Bolaño nga pang municipal waters lamang ang mga pumpboat ug dili angayan nga mugawas sa nasud apan gihimo nga rason sa mga mananagat nga wala nay isda sa kalawran hinungdan nga nanagat sa Indonesia.
