GENERAL SANTOS CITY – Girekomenda ni Malungon Mayor Atty. Maria Teresa Constantino sa unom ka mga barangay kapitan nga magdeklara ug State of Calamity human nabahaan aging adlaw.
Kini human nagpatawag ug emergency meeting ang Mayor sa mga apektadong Kapitan kauban sa Municipal Disaster Risk reduction management Office.
Matud sa mayor nga apektado ang mga barangay Kiblat, Kibala, Atlae, Datal Tampal, Alkikan ug Malandag nga epekto sa Interpropical Covergence zone nga nagdala sa makusog nga pag-ulan sa Gensan ug Sarangani.
Nagmando gilayon kini sa agriculture office ug MDRRMO sa pagkuha sa tibuok danyos human maputol ang usa ka tulay sa Kiblat.
Matud sa mayor nga lapad nga kaumahan ang apektado sa pagbaha nga iyang nakit-an human gibaktas ang lugar tungod dili maagi-an ug mga sakyanan ang lugar.
Nagpahimangno usab kini sa mga residente nga magbantay kung subli nga mahitabo ang pag-ulan nga magpalayo sa agi-anan sa tubig.
