Gibutyag sa Department of Foreign Affairs (DFA) nga 59 ka Pilipino ang nag-atubang sa silot kamatayan sa ubang nasud.
Sa gipadala nga mensahe ni Foreign Affairs Usec. Eduardo De Vega gibutyag niini nga kasagaran sa mga Pinoy nga naa sa death row may kaso sa pagpatay.
Lakip si Mary Jane Veloso sa mga Pilipino nga naa sa death row apan nakaluwas sa silot kamatayon sa Indonesia.
Kini human nakapuli na sa nasud si Veloso aron dinhi kompletohon ang iyang sentensiya nga pagkabilanggo.
Naglaum si Veloso nga mahatagan ug clemency ni Pangulong Ferdinand Marcos Jr., aron hingpit na gawasnon.
Samtang naglaum usab ang pipila ka Senador nga mas pakusgon pa sa gobyerno ang pagtabang sa mga Pinoy nga napriso sa ubang nasud .
Sa usa ka pahayag, gibutyag ni Senate President Francis Escudero nga nag-unang katungdanan sa Department of Migrant Workers (DMW) ug mga embahada ug konsulado sa Pilipinas nga ipabate sa mga OFW nga sila usab tawo.
