GENERAL SANTOS CITY – Mukabat sa 58 ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.

Samtang natala usab ang 46 ka bag-ong recoveries og lima ang nadugang nga namatay kung asa tulo ang gikan sa GenSan, tag usa gikan sa South Cotabato og sa Cotabato Province. Sa maong ihap 26 ang gikan sa South Cotabato, 15 sa Cotabato Province, 10 sa GenSan og pito sa Sultan Kudarat. Gumikan niini anaa sa 2,699 ang kaso sa COVID 19 sa GenSan, 257 ang active cases og 97 ang patay.

Sa South Cotabato adunay 2,584 samtang 460 ang active cases og 63 ang patay. Ang Cotabato Province ang may 1,380 ang kaso, 224ang active cases og 75 ang nakabsan sa kinabuhi.

Ang Sarangani ang may 582 ang kaso sa COVID 19, samtang 189 ang active cases og 18 ang patay.

Sa Sultan Kudarat ang may 830 ka kaso, 73 ang active cases og 20 ang patay.

Sa katibuk-an adunay 8,345 ang COVID-19 confirmed cases, 1,203 (14.42%) ang active cases, 6,867 (82.29%) ang recoveries og 273 (3.27%) ang COVID-19 related deaths.