56 namatay sa stampede sa usa ka football match sa Guinea

Mokabat sa 56 ka mga tawo ang namatay human nahitabo ang stampede atol sa duwa sa football sa N’Zerekore City, Guinea.
Base sa mga awtoridad, nagsugod ang kagubot tali sa mga fans.

Misamot ang kagubot sa dihang ang usa ka magdudula gipapahawa human sa duwa.

Ang maong duwa maoy katapusang torneyo nga giorganisa isip pag-ila sa lider sa junta sa Guinea nga si Mamady Doumbouya.

Nadaog ni Doumbouya ang kudeta niadtong 2021 ug gipahimutang ang iyang kaugalingon isip presidente.

Tungod sa kagubot, napugos ang kapolisan sa paggamit og puwersa aron mabungkag ang mga tawo.

Ang mga otoridad nagpahigayon og imbestigasyon sa nasangpit nga insidente.