GENERAL SANTOS CITY – Mukabat sa 549 ka mga tawo ang nadakpan sa otoridad sa gipahigayong Oplan Kabalikat anti-criminality campaign kagahapon.
Sa datos, sa checkpoint anaa sa 110 katao ang nadakpan, 135 sa foot patrol, 135 sa bit patrol, og 159 sa mobile patrol.
Samtang usa ang gidakop tungod sa paghupot og armas. Sa kampanya sa kinaiyahan, gikatakdang pasakaan ug kaso ang usa nga nadakpan tungod sa ilegal logging, usa usab sa ilegal fishing og usa sa ilegal nga pagmina.
Mukabat sa 221 ka motorista ang nadakpan tungod sa kakulang og mga dokumento sa ilang motorsiklo.
Samtang gitugyan na sa City Social Welfare and Development Office ang 18 ka mga batan-on nga gipangdangkop human nga naabtan sa kapulisan nga anaa gihapon sa kadalanan atol sa curfew hour.
Mukabat sa 22 ang nadakpan tungod sa pag-inom, 18 katawo ang gidakop tungod nakalapas sa anti smoking ordnance sa dakbayan og 20 katawo ang gipangdakop tungod naglaag-laag sa dalan nga naghukas.
